დირექტორატი

ირაკლი გილაური „საქართველოს ბანკის“ გენერალური დირექტორის თანამდებობას 2006 წლის მაისში იკავებს. მანამდე, 2004 წლის სექტემბრიდან იგი „საქართველოს ბანკის“ ფინანსურ დირექტორად მუშაობდა. 1999-2004 წლებში „ევროპის რეკონსტრუქციისა და განვითარების ბანკის“ (EBRD) თბილისისა და ლონდონის ოფისებში მსახურობს ბანკირად. ირაკლი გილაურმა მიიღო ბაკალავრის ხარისხი ბიზნესში ეკონომიკისა და ფინანსების განხრით ლიმერიკის უნივერსიტეტში, ირლანდიაში. 2003-2004 წელს დაჯილდოვდა ბრიტანეთის საბჭოს „ჩივენინგის“ სტიპენდიით და მიენიჭა მაგისტრის ხარისხი „სითი უნივერსიტეტის“ „კასის ბიზნეს–სკოლაში“ საბანკო საქმესა და საერთაშორისო ფინანსების დარგში.

გიორგი ჭილაძე „საქართველოს ბანკის“ გენერალური დირექტორის მოადგილეა ფინანსების დარგში 2008 წლიდან. „ბითიეი ბანკის“ (საქართველო)გენერალური დირექტორის პოსტის დაკავებამდე, 2004-2005 წლებში, სადაზღვევო კომპანია „ევროპეისის“ სამეთვალყურეო საბჭოს აღმასრულებელი წევრი ხდება. ამავე წლებში აფუძნებს მენეჯმენტის საკითხებში საკონსულტაციო ფირმა შპს „ალტერგრუპს“. 2003 წელს, საქართველოში დაბრუნებამდე, გიორგი ნიუ-იორკში, კომპანია “Bear Sterns”-ის პროგრამული ვაჭრობის დახლზე მუშაობს. გიორგი ჭილაძეს მიღებული აქვს მეცნიერების დოქტორის წოდება ფიზიკაში, ჯონს ჰოპკინსის უნივერსიტეტში, ბალტიმორში, (მერილენდი) და ბაკალავრის ხარისხი ფიზიკაში – თბილისის სახელმწიფო უნივერსიტეტში.

არჩილ გაჩეჩილაძე „საქართველოს ბანკის“ გენერალური დირექტორის მოადგილეა, კორპორატიული საბანკო საქმიანობის მიმართულებით 2008 წლიდან. „საქართველოს ბანკში“ მოსვლამდე არჩილი კორპორატიული რესტრუქტურიზაციის დარგში გენერალური დირექტორის მოადგილის პოსტს იკავებდა „თიბისი ბანკში“. საქართველოში დაბრუნებამდე, იგი მოღვაწეობდა ლონდონში  “Lehman Brothers Private Equity”-ში (ამჟამად Trilantic Capital Partners), ხოლო 1998-2004 წლებში მუშაობდა “Salford Equity Partners”-ში, EBRD-ს თბილისისა და ლონდონის ოფისებში უფროს ანალიტიკოსად, “KPMG Barents”-ში – უფროს ფინანსურ ანალიტიკოსად, მსოფლიო ბანკის “CERMA”-ს პროექტში – გუნდის ლიდერად. არჩილი არის CFA სერტიფიკატის მფლობელი და CFA საზოგადოების წევრი, ამასთან, მან მიიღო MBA ხარისხი კორნელის უნივერსიტეტში და ბაკალავრის ხარისხი ეკონომიკასა და იურისპრუდენციაში – თბილისის სახელმწიფო უნივერსიტეტში.

მიხეილ გომართელი „საქართველოს ბანკის“ გენერალური დირექტორის მოადგილეა 2009 წლის თებერვლიდან. 1997 წლიდან მიხეილს წამყვანი პოზიციები ეკავა. იგი იყო საბანკო პროდუქტებისა და მარკეტინგის ხელმძღვანელი (2000-2002); ფილიალების მართვისა და მარკეტინგის ხელმძღვანელი (2002–2003); ფილიალების მართვისა და გაყიდვების კოორდინაციის ხელმძღვანელი (2003–2004); სტრატეგიისა და დაგეგმარების ხელმძღვანელი (2004-2005); ბიზნესის განვითარების ხელმძღვანელი (2005 წლის მარტი-ივლისი) და საცალო საბანკო საქმიანობის თანადირექტორი (2007 წლის მარტი - 2009 წლის თებერვალი). მიხეილ გომართელს მიღებული აქვს დიპლომი ეკონომიკის დარგში–თბილისის სახელმწიფო უნივერსიტეტში.

სულხან გვალია, 2005 წლის იანვრიდან საკრედიტო რისკების მართვის დარგში გენერალური დირექტორის მოადგილის პოსტს იკავებს. 1995 წლიდან, სულხანი „თბილუნივერსალბანკის“ დირექტორთა საბჭოს თავჯდომარის მოადგილეა, მის დაქვემდებარებაშია საფინანსო, საბუღალტრო და სტრატეგიული განვითარების დეპარტამენტები. 2005 წელს „საქართველოს ბანკი“ ყიდულობს „თბილუნივერსალბანკს“ და სულხან გვალია „საქართველოს ბანკის“ გუნდს უერთდება. ბ–ნი სულხანი ფლობს თბილისის სახელმწიფო უნივერსიტეტის ბაკალავრის დიპლომს იურისპრუდენციის დარგში.

ავთო ნამიჩეიშვილი, გენერალური დირექტორის მოადგილეა იურიდიულ საკითხებში. 2007 წლის მარტიდან. ავთო „საქართველოს ბანკის“ გენერალური იურიდიული მრჩეველია. „საქართველოს ბანკში“ მოსვლამდე იგი წამყვანი იურიდიული ფირმის, შპს. „ბეგიაშვილი და კომპანიი“-ს პარტნიორი იყო და სამი წლის განმავლობაში უწევდა გარე იურიდიულ კონსულტაციას „საქართველოს ბანკს“. ავთო ნამიჩეიშვილი საქართველოში ევროპის საერთაშორისო საარბიტრაჟო სასამართლოს არბიტრია. მას მიღებული აქვს მაგისტრის ხარისხი (LLM) საერთაშორისო ბიზნესის სამართლის დარგში ცენტრალური ევროპის უნივერსიტეტში– უნგრეთში და ბაკალავრის ხარისხი იურისპრუდენციასა და საერთაშორისო ეკონომიკურ ურთიერთობებში თბილისის სახელმწიფო უნივერსიტეტში.

მურთაზ კიკორია გენერალური დირექტორის მოადგილეა აქტივების მართვისა და სტრატეგიული პროექტების დარგში 2011 წლის ივნისიდან. ამ თანამდებობაზე დანიშვნამდე მურთაზს ეკავა  „BG Bank”-ის აღმასრულებელი დირექტორისა და „საქართველოს ბანკის“ გენერალური დირექტორის მოადგილის თანამდებობა, შესაბამისობის დარგში. „საქართველოს ბანკში“ მოსვლამდე მურთაზ კიკორია იყო უფროსი ბანკირი ევროპის რეკონსტრუქციისა და განვითარების ბანკში 2005-2007 წლებში და ბანკების ზედამხედველობისა და რეგულაციის დეპარტამენტის უფროსი საქართველოს ეროვნულ ბანკში 2001-2005 წლებში. საქართველოს ეროვნულ ბანკში მისვლამდე, მურთაზ კიკორიას ეკავა სხვადასხვა წამყვანი თანამდებობა „გაერთიანებულ ქართულ ბანკში“ (ახლანდელი „ვი–თი–ბი ბანკი საქართველო“) და „სილქროუდ ბანკში“ (ახლანდელი სს ,,ბითიეი ბანკი საქართველო“). მურთაზ კიკორია ასევე მსახურობდა „საქართველოს ბანკის“ აუდიტის კომიტეტში 2008 წლის თებერვლიდან. მას მიღებული აქვს ბაკალავრის ხარისხი თბილისის სახელმწიფო უნივერსიტეტში ფინანსებისა და კრედიტის განხრით.

ვასილ რევიშვილი, აქტივებისა და დაგროვილი ქონების მართვის ხელმძღვანელია 2008 წლის დეკემბრიდან. იგი „საქართველოს ბანკში“მოვიდა 2008 წლის აგვისტოში საინვესტიციო პროდუქტების განვითარების ხელმძღვანელის პოზიციაზე. ბანკში მოსვლამდე ვასილი მოღვაწეობდა „Pictet Asset Management“–ის ლონდონისა და ჟენევის ოფისებში, საინვესტიციო რისკების განყოფილების უფროსად. 1995 – 2003 წლებში ვასილ რევიშვილს უკავია წამყვანი პოზიციები EU-TACIS–ის, საქართველოს საინვესტიციო ცენტრში და მსოფლიო ბანკის მიერ განხორციელებულ თბილისის წყლის პროექტში. ვასილ რევიშვილმა მიიღო ბაკალავრის დიპლომი გამოყენებითი მათემატიკისა და კომპიუტერული მეცნიერებების სფეროში, თბილისის სახელმწიფო უნივერსიტეტში და მაგისტრის წოდება წარჩინებით ფინანსებში, ლონდონის ბიზნეს სკოლაში. ვასილი ასევე არის რისკების პროფესიონალთა გლობალური ასოციაციის მიერ დანიშნული ფინანსური რისკების მენეჯერი.

ირაკლი ბურდილაძე „საქართველოს ბანკის“ გენერალური დირექტორის მოადგილეა  „სბ უძრავი ქონების“ მართვის დარგში. 2007 წლის მარტიდან 2010 წლის ივნისამდე მას საოპერაციო დირექტორის თანამდებობა ეკავა. „საქართველოს ბანკში“ მოსვლამდე, ირაკლი ბურდილაძე საქართველოში უძრავი ქონების დეველოპერი და მმართველი წამყვანი კომპანიის – „GMT Group”-ის ფინანსური დირექტორია. საერთაშორისო ურთიერთობებისა და საერთაშორისო ეკონომიკის მაგისტრის ხარისხი ირაკლიმ ჯონს ჰოპკინსის უნივერსიტეტში, ვაშინგტონში, მიიღო. ბაკალავრის ხარისხი საერთაშორისო ურთიერთობების დარგში კი თბილისის სახელმწიფო უნივერსიტეტში.