სწრაფი ნავიგაცია

 

კახა კიკნაველიძე

გენერალური დირექტორი

კახა კიკნაველიძე საქართველოს ბანკის გენერალური დირექტორის პოსტზე 2016 წლის სექტემბერში დაინიშნა. ხსენებულ თანამდებობაზე დანიშვნამდე, 2011 წლის 24 ოქტომბრიდან, კახა „ბიჯეო ჯგუფის“ სამეთვალყურეო საბჭოს წევრი იყო, მათ შორის იყო „ბიჯეო ჯგუფის“ აუდიტის, რისკებისა და ნომინირების კომიტეტების წევრი. 2008 წლიდან მოყოლებული, კახა ასევე იყო საქართველოს ბანკის სამეთვალყურეო საბჭოსა და აუდიტის კომიტეტის წევრი და აქტიურად უწევდა მენტორობას ბანკის ამჟამინდელი მმართველი გუნდის წევრებს, ბოლო წლების განმავლობაში. კახას აქვს ფინანსური მომსახურების სფეროში მოღვაწეობის 15 წელზე მეტი ხნის გამოცდილება, მათ შორის უმუშავია სხვადასხვა თანამდებობაზე ისეთ კომპანიებში, როგორებიცაა UBS-ი და Troika Dialog-ი. კახა არის ლონდონში დაფუძნებული ინვესტიციების მართვის კომპანიის, „რიონი კაპიტალ პარტნერსის“ დამფუძნებელი და 2017 წლამდე იყო ამავე კომპანიის მმართველი პარტნიორი.

კახა კიკნაველიძეს წარჩინებით აქვს დამთავრებული საქართველოს აგრარული უნივერსიტეტი ეკონომიკის განხრით (ბაკალავრის ხარისხი) და ფლობს ემორის უნივერსიტეტის ბიზნესის ადმინისტრირების მაგისტრის ხარისხს.

 

მიხეილ გომართელი

გენერალური დირექტორის მოადგილე,
საცალო საბანკო მომსახურება

მიხეილ გომართელი საქართველოს ბანკის გენერალური დირექტორის მოადგილეა 2009 წლის თებერვლიდან.

1997 წლიდან მიხეილს წამყვანი პოზიციები ეკავა. იგი იყო საბანკო პროდუქტებისა და მარკეტინგის ხელმძღვანელი (2000-2002); ფილიალების მართვისა და მარკეტინგის ხელმძღვანელი (2002–2003); ფილიალების მართვისა და გაყიდვების კოორდინაციის ხელმძღვანელი (2003–2004); სტრატეგიისა და დაგეგმარების ხელმძღვანელი (2004-2005); ბიზნესის განვითარების ხელმძღვანელი (2005 წლის მარტი-ივლისი) და საცალო საბანკო საქმიანობის თანადირექტორი (2007 წლის მარტი - 2009 წლის თებერვალი).

მიხეილ გომართელს მიღებული აქვს დიპლომი ეკონომიკის დარგში – თბილისის სახელმწიფო უნივერსიტეტში.

 

გიორგი ჭილაძე

გენერალური დირექტორის მოადგილე,
რისკების მართვა

გიორგი ჭილაძე დაინიშნა საქართველოს ბანკის გენერალური დირექტორის მოადგილედ რისკების მართვის დარგში 2013 წლის სექტემბერში.

2008–2011 წლებში, გიორგის ეკავა საქართველოს ბანკის გენერალური დირექტორის მოადგილის პოსტი ფინანსების დარგში. 2011–2013 წლებში გიორგიმ იმოღვაწევა საპარტნიორო ფონდში, გენერალური დირექტორის მოადგილის თანამდებობაზე. 2003 წელს გიორგი ნიუ იორკში, კომპანია Bear Sterns-ის პროგრამული ვაჭრობის დახლზე მუშაობდა, 2004-2005 წლებში სადაზღვევო კომპანია „ევროპეისის“ სამეთვალყურეო საბჭოს აღმასრულებელი წევრი გახდა. ამავე წლებში დააფუძნა მენეჯმენტის საკითხებში საკონსულტაციო ფირმა შპს „ალტერგრუპი“. 2005 წლიდან გიორგი ჭილაძე სს „ბტა ბანკის“ (საქართველო) გენერალური დირექტორის პოსტს იკავებს. 2008 წლის ოქტომბერში კი საქართველოს ბანკის ფინანსური დირექტორი ხდება.

გიორგი ჭილაძეს მიღებული აქვს მეცნიერების დოქტორის წოდება ფიზიკაში, ჯონს ჰოპკინსის უნივერსიტეტისგან, ბალტიმორში, მერილედნი და ბაკალავრის ხარისხი ფიზიკაში თბილისის სახელმწიფო უნივერსიტეტისგან.

 

ლევან ყულიჯანიშვილი

გენერალური დირექტორის მოადგილე,
საოპერაციო მიმართულება

ლევან ყულიჯანიშვილი საქართველოს ბანკის გენერალური დირექტორის მოადგილედ საოპერაციო მიმართულებით 2017 წლის სექტემბერში დაინიშნა.

მანამდე, 2015 წლიდან ის მოადგილის რანგში ბანკის ფინანსებს უძღვებოდა. 2009 წლიდან ლევან ყულიჯანიშვილი საქართველოს ბანკში შესაბამისობისა და შიდა კონტროლის მიმართულებების ხელმძღვანელის პოზიციას იკავებდა. ის საქართველოს ბანკში 1997 წლიდან მოღვაწეობს. იყო შიდა აუდიტის დეპარტამენტის ხელმძღვანელი (2000-2009 წლებში), ფინანსური მონიტორინგის სამსახურის ხელმძღვანელი (1999-2000 წლებში), სტრატეგიისა და დაგეგმვის დეპარტამენტისა და ფინანსური ანალიტიკური სამსახურის უფროსი (1997-1999 წლებში). 

ლევან ყულიჯანიშვილი ფლობს გრენობლის ბიზნესის სკოლის MBA ხარისხსა და თბილისის სახელმწიფო უნივერსიტეტის ბაკალავრის ხარისხს ეკონომიკასა და ვაჭრობაში.

 

დავით წიკლაური

გენერალური დირექტორის მოადგილე,
ფინანსები

დავით წიკლაური საქართველოს ბანკის გენერალური დირექტორის მოადგილედ ფინანსურ დარგში 2017 წლის სექტემბერში დაინიშნა. მანამდე ის გენერალური დირექტორის რანგში, კორპორაციულ საბანკო მომსახურებას ხელძღვანელობდა. 

2014 წლიდან დავითი მუშაობდა „თიბისი ბანკში“ გენერალური დირექტორის მოადგილის პოსტზე. მას მიღებული აქვს მნიშვნელოვანი გამოცდილება ადგილობრივ საბანკო სფეროში ისევე, როგორც კორპორაციულ სეგმენტში. 

2011 წლიდან დავითი მუშაობდა „დოიჩე ბანკში“ კაპიტალის ბაზრებისა და სახაზინო პროდუქტების გუნდის ვიცეპრეზიდენტის პოზიციაზე; პარტნიორის რანგში კი „დოიჩე ბანკს“ უფრო ადრე, 2008 წელს, შეუერთდა.

დავითი ფლობს ლონდონის ბიზნეს სკოლის ბიზნესის ადმინისტრირების მაგისტრის ხარისხს.

 

რამაზ კუკულაძე

გენერალური დირექტორის მოადგილე,
მცირე, საშუალო ბიზნესისა და SOLO საბანკო მომსახურებები

რამაზ კუკულაძე საქართველოს ბანკის გენერალური დირექტორის მოადგილედ 2017 წლის თებერვალში დაინიშნა. ის სათავეში ჩაუდგა მცირე და საშუალო ბიზნესისა და SOLO საბანკო მომსახურებების მიმართულებას.

მანამდე, წლების განმავლობაში, მას საქართველოს ბანკში გენერალური დირექტორის მოადგილის პოსტი ეკავა. მოგვიანებით კარიერა კომპანია „სილქნეტში“ განაგრძო, სადაც ორი წლის განმავლობაში, გენერალური დირექტორის მოადგილის თანამდებობაზე იმუშავა. 2011 წელს რამაზი კვლავ საბანკო სფეროს დაუბრუნდა – „ბანკი რესპუბლიკა – სოსიეტე ჟენერალეში“ გენერალური დირექტორის პოსტზე. ის სათავეში ედგა კორპორაციულ და საცალო საბანკო საქმიანობას.

რამაზ კუკულაძე წლების განმავლობაში, გენერალური დირექტორის რანგში ხელმძღვანელობდა  სადაზღვევო კომპანია „ბისიაის“, რომელიც 1998 წელს თავადვე დააარსა. მოგვიანებით „ბისიაი“ საქართველოს ბანკმა შეიძინა.

რამაზი ფლობს ესპანეთის IE ბიზნეს სკოლის ბიზნესადმინისტრირების აღმასრულებელი მაგისტრის ხარისხს.
 

ვასილ ხოდელი

გენერალური დირექტორის მოადგილე, კორპორაციული საბანკო საინვესტიციო საქმიანობა

ვასილ ხოდელი 2017 წლიდან საქართველოს ბანკის გენერალური დირექტორის მოადგილეა.

მან კარიერა საბანკო სფეროში 1996 წელს დაიწყო და მას შემდეგ მრავალი მიმართულებით, მნიშვნელოვან და საპასუხისმგებლო პოზიციებზე მუშაობდა. იყო საქართველოს ბანკის ცენტრალური ფილიალის მმართველის მოადგილე; საკრედიტო რისკების ანალიზისა და კონტროლის განყოფილების უფროსი. 2004 წლიდან საქართველოს ბანკში კორპორაციულ და საინვესტიციო დეპარტამენტს ხელმძღვანელობდა.

ვასილ ხოდელს გრენობლის უნივერსიტეტის ბიზნესის სკოლა აქვს დამთავრებული. ფლობს მაგისტრის ხარისხს ბიზნესის მართვაში. ასევე დამთავრებული აქვს ივანე ჯავახიშვილის სახელობის, თბილისის სახელმწიფო უნივერსიტეტის  ეკონომიკის ფაკულტეტი. 

 

ვახტანგ ბობოხიძე

გენერალური დირექტორის მოადგილე,
ინფორმაციული ტექნოლოგიები

ვახტანგ ბობოხიძე 2018 წლის 23 მარტს საქართველოს ბანკის გენერალური დირექტორის მოადგილედ დაინიშნა.

მან კარიერა 2005 წელს საქართველოს ბანკში ხარისხის კონტროლის ინჟინერის პოზიციით დაიწყო. 2005-2013 წლებში მუშაობდა დეველოპერად, ანალიტიკოსად, ბიზნეს კონსულტანტად. ამ ხნის განმავლობაში, ვახტანგ ბობოხიძემ ინფორმაციული ტექნოლოგიების მიმართულებით, ღირებული პროფესიული ცოდნა და გამოცდილება დააგროვა. ამას კი კარიერაში მნიშვნელოვანი დაწინაურებები მოჰყვა. 2013 წელს დეველოპმენტის სამსახურის უფროსის პოზიციაზე გადაინაცვლა; მოგვიანებით იყო ინფორმაციული ტექნოლოგიების დეპარტამენტის დირექტორის მოადგილე; 2016 წლიდან კი საქართველოს ბანკში ინფორმაციული ტექნოლოგიების დეპარტამენტის დირექტორის პოზიცია ეკავა.

ვახტანგ ბობოხიძე ფლობს ივანე ჯავახიშვილის სახელობის თბილისის სახელმწიფო უნივერსიტეტის კომპიუტერულ მეცნიერებათა მაგისტრის ხარისხს. მანამდე, ამავე უნივერსიტეტში გავლილი აქვს გამოყენებითი მათემატიკისა და კომპიუტერულ მეცნიერებათა, ასევე ფინანსებისა და საბანკო საქმის საბაკალავრო პროგრამები.

 

ნინო სუქნიძე

საქართველოს ბანკის გენერალური მრჩეველი

ნინო სუქნიძე 2017 წლის 15 დეკემბრიდან საქართველოს ბანკის გენერალური მრჩეველია.

მას საერთაშორისო დონორ ორგანიზაციებში, არასამთავრობო და ბიზნეს სფეროებში საპასუხისმგებლო თანამდებობებზე მუშაობის 20-წლიანი გამოცდილება აქვს. ნინო სუქნიძეს ნამუშევარი აქვს გაეროს ასოციაციაში იურისტად; ასევე თანამშრომლობდა საქართველოს ახალგაზრდა იურისტთა ასოციაციასთან; იყო PA Consulting Group Gmbh საქართველოს წარმომადგენლობის უფროსი იურიდიული მრჩეველი. წლების განმავლობაში გახლდათ კომპანიის, დი-ელ-ეი პაიპერ - ღვინაძე და პარტნიორები, ადვოკატი და იურიდიული დირექტორი. საქართველოს ბანკში მოსვლამდე, მას შპს დენტოს საქართველოში მრჩეველის თანამდებობა ეკავა.

ნინო სუქნიძეს შესწავლილი აქვს ბიზნეს და სავაჭრო სამართალი - Erasmus University Rotterdam; LLM. მანამდე მან ი.ჯავახიშვილის თბილისის სახელმწიფო უნივერსიტეტი დაამთავრა, სადაც საერთაშორისო სამართალსა და საერთაშორისო ურთიერთობებს სწავლობდა.