სამეთვალყურეო საბჭო

კანადის მოქალაქე ნილ ჯანინი, ”McKinsey & Company”-ს პარიზის ოფისის დირექტორი იყო 1982 წლიდან. მან ცოტა ხნის წინ დატოვა თანამდებობა და ამჟამად კონსულტაციას უწევს კომერციული და არა-კომერციული ორგანიზაციების ხელმძღვანელებსა და მათ გუნდებს. ნილი ასევე ეწევა პედაგოგიურ და კვლევით საქმიანობას ლიდერობის განვითარების სფეროში INSEAD–სა და HEC Paris–ში. ნილმა დაიწყო და უძღვებოდა ფინანსური ინსტიტუტების პრაქტიკას საფრანგეთში. 27–წლიანი მოღვაწეობისას McKinsey–ში, შეხება ჰქონდა საცალო საბანკო, აქტივების მართვისა და კორპორატიული საბანკო საქმიანობის სფეროსთან. მისი მუშაობა მოიცავდა სტრატეგიულ, საოპერაციო და ორგანიზაციულ ფუნქციებს. ნილი მოღვაწეობდა ევროპაში, აზიასა და ჩრდილოეთ ამერიკაში. ის მიეკუთვნებოდა ერთ-ერთ იმ ლიდერთაგანს ორგანიზაციაში, რომელიც ჩართული იყო “McKinsey & Company”-ს ყველა პრაქტიკულ მიმართულებაში: დიზაინი, ხელმძღვანელობა, მართვა, შესრულების გაუმჯობესება, კულტურული ცვლილებები და ტრანსფორმაცია. განსაკუთრებით კი წვლილი შეიტანა პოსტ–მმართველობითი ინტეგრაციის სახელმძღვანელოს შესამუშავებლად (რომელსაც იყენებდა ფირმა); აგრეთვე იგი უძღვებოდა კვლევას გუნდის ეფექტურობისა და სტრატეგიული ხედვის შესახებ. 2009 წელს საფრანგეთის დირექტორთა ინსტიტუტის კომისიის თანათავმჯდომარის როლში, ის სათავეში ჩაუდგა ნაშრომს დირექტორთა საბჭოს პასუხისმგებლობების შესახებ კომპანიის სტრატეგიის შექმნისა და დანერგვის კუთხით. “Mckinsey & Company”-ში გადასვლამდე ნილ ჯანინი მუშაობდა “Chase Manhattan Bank”-ში (ამჟამად “JP Morgan Chase”), ნიუ-იორკისა და პარიზის ოფისებში და “Procter & Gamble"-ში, ტორონტოში. ნილი ფლობს მაგისტრის წოდებას ბიზნესადმინისტრირებაში (ტორონტოს იორკის უნივერსიტეტი) და მონრეალის მაკგილის (McGill) უნივერსიტეტის საპატიო ხარისხს – ეკონომიკასა და ბუღალტერიაში.

2007 წელს 28-წლიანი კარიერის შემდეგ ბიზნესისა და ფინანსების სამართლის დარგში დეივიდ მორისონმა გადაწყვიტა თავი მიუძღვნას ბუნების კონსერვაციის საკითხებს. 2008 წელს ის გახდა ახლად შექმნილი არასამთავრობო ორგანიზაციის – „კავკასიის ბუნების ფონდის“ – აღმასრულებელი დირექტორი. ფონდი თანამშრომლობს საქართველოსა და სომხეთის მთავრობებთან ბიომრავალფეროვანი კავკასიის რეგიონის ბუნების დასაცავად. ფონდის თავდაპირველ სპონსორებს შორისაა გერმანიის მთავრობა, ასევე WWF და “Conservation International”-ი. „კავკასიის ბუნების ფონდში“ საქმიანობის დაწყებამდე ბატონმა მორისონმა მისი კარიერა განვლო პრესტიჟულ იურიდიულ ფირმა “Sullivan & Cromwell LLP”-ში, სადაც ის ევროპის ოფისების მმართველ პარტნიორად მუშაობდა. მისი იურიდიული საქმიანობა მოიცავდა მაღალი დონის რჩევების მიცემას სააქციო საზოგადოებებისთვის, შერწყმა-შესყიდვებით დაწყებული, კაპიტალის მოძიებით დამთავრებული. ასობით საქმეში, რომლებშიც ის წლების განმავლობაში იღებდა მონაწილეობას, მრავალი საინვესტიციო ბანკი და სხვა კომპანიები თვლიდნენ მას ძირითად მრჩევლად. მისი საქმიანობიდან აღსანიშნავია დიდი ევროპული პრივატიზაციები – Deutsche Telekom, Renault, Swisscom, Deutsche Post და Austrian Post-ი. დეივიდ მორისონის კლიენტები საბანკო სექტორიდან იყვნენ – Banco Espirito Santo – პორტუგალიაში და АW – გერმანიის განვითარების ბანკი (ბ-ნი მორისონი 20 წლის განმავლობაში მუშაობდა KfW-ს საფინანსო ფილიალის დირექტორთა საბჭოში). ის იყო “Sullivan & Cromwell’s”-ის გერმანიასა და საფრანგეთში გაფართოებისა და ფირმის ათმაგი ორგანული ზრდის გამწევი ძალა მისი იქ მუშაობის პერიოდში. ბ-ნი მორისონი არის ავტორი რამდენიმე პუბლიკაციისა, რომლებიც ეხება ფასიანი ქაღალდების კანონმდებლობის თემას. ის აღიარებულია როგორც ორი იურისდიქციის, ფრანგულისა და გერმანულის, წამყვანი იურისტი, რაც ძალიან იშვიათია.

დეივიდ მორისონი შეერთებული შტატების მოქალაქეა. მან დაამთავრა იელის კოლეჯი 1974 წელს, მიიღო ხარისხი იურისპრუდენციაში UCLA – ში და იყო ფულბრაითის მკვლევარი ფრანკფურტის უნივერსიტეტში. მისი ცხოვრების დიდი ნაწილი მან საფრანგეთსა და გერმანიაში გაატარა, ბრწყინვალედ საუბრობს ფრანგულ და გერმანულ ენებზე. ამჟამად ის პარიზში ცხოვრობს.

იან ჰეიგი, „საქართველოს ბანკის” სამეთვალყურეო საბჭოს წევრი 2004 წლის დეკემბრიდან არის. ბ-ნი ჰეიგი Firebird Management LLC”-ის მმართველი პარტნიორია. 1983 წელს, იან ჰეიგმა მიიღო ბიზნესის ბაკალავრის ხარისხი ვესლეინის უნივერსიტეტში, ხოლო მაგისტრის ხარისხი (MA) მას მონტერეის საერთაშორისო ინსტიტუტში მიენიჭა. ბ-ნ ჰეიგს ასევე აქვს ჩატარებული სამაგისტრო კვლევა კოლუმბიის უნივერსიტეტის ჰარიმანის ინსტიტუტში. “Firebird”-ის თანადაარსებამდე, ის გაერთიანებული ერების სამდივნოში მსახურობდა.

კახა კიკნაველიძე საფინანსო ზედამხედველობის სამსახურის მიერ რეგულირებადი, საინვესტიციო მრჩეველი კომპანიის “Rioni Capital”–ის  მმართველი პარტნიორია, რომელიც მან 2007 წელს დააარსა. ბ-ნი კიკნაველიძე ზედამხედველობს ფონდს, რომელიც სააქციო კაპიტალის დაბანდებას განვითარებად ბაზრებში ახდენს. კახა კიკნაველიძეს კაპიტალის ბაზარზე მუშაობის ათწლიანი გამოცდილება აქვს. 2005-2007 წლებში, ბ-ნი კიკნაველიძე აღმასრულებელი დირექტორის თანამდებობაზე, ხელმძღვანელობდა რუსული ნავთობისა და გაზის მკვლევარ ჯგუფს “UBS”-ში, რომელიც მიიჩნევა ერთ-ერთ მუდმივ ლიდერად ბაზარზე. “UBS”–ში მოსვლამდე, ბ-მა კიკნაველიძემ რვა წელი იმსახურა “Troika Dialog“-ში; თავდაპირველად, ფარავდა მეტალის, მოპოვებას და კომუნალურ სექტორს, შემდგომ კი კვლევის ხელმძღვანელის მოადგილისა და ასოცირებული პარტნიორის სახით სათავეში ედგა ნავთობისა და გაზის გუნდს. თავისი კარიერა კახა კიკნაველიძემ ფინანსური მენეჯერის თანამდებობაზე, 1994 წელს, “საქართველოს ბანკში” დაიწყო. MBA ხარისხი მან შეერთებულ შტატებში, ემორის უნივერსიტეტში მიიღო, ხოლო ეკონომიკის დარგში ბაკალავრის ხარისხი თბილისის აგრარულმა უნივერსიტეტმა მიანიჭა.

წარმოშობით ფინელი ჰანა ლოიკანენი, East Capital,Moscow Private Equity-ს მთავარი წარმომადგენელია. ჰანა 2007 წლიდან მოღვაწეობს East Capital-ში და აქვს რუსეთის და აღმოსავლეთ ევროპის ფინანსურ ინსტიტუტებთან მუშაობის 15 წლიანი გამოცდილება. East Capital-ში მისვლამდე ჰანნა ლოიკანენი მუშაობდა რუსეთში, FIM Group-ის აღმასრულებელ დირექტორად. ის პასუხისმგებელი იყო ჯგუფის საბროკერო და კორპორატიული ფინანსების ოპერაციების შექმნასა და მართვაზე. FIM Group-ამდე ჰანა რამდენიმე წლის განმავლობაში მუშაობდა Nordea Finance–ში სხვადასხვა წამყვან თანამდებობაზე პოლონეთში, ბალტიისპირეთის ქვეყნებისა და ფინეთში. მანამდე კი, მუშაობდა Merita Bank–ში, სანქტ პიტერბურგში და SEB–ში, მოსკოვში. ჰანა ლოიკანენმა მაგისტრის დიპლომი ეკონომიკასა და ბიზნესის ადმინისტრირებაში ჰელსინკის ეკონომიკურ სკოლაში მიიღო.

ალან ჯ. ჰირსტმა “Citibank N.A”-ში თითქმის 25 წელი იმსახურა. “სითიგრუპიდან” წამოსვლამდე 2005 წლის თებერვალში, იგი სათავეში ედგა ბანკის გაფართოებას ცენტრალურ და აღმოსავლეთ ევროპაში, ასევე რუსეთსა და ცენტრალურ აზიაში. 1999-2004 წლებში, ბ-ნი ჰირსტი რუსეთში, “ზაო სითიბანკის” (ZAO Citibank Russia პრეზიდენტის თანამდებობას იკავებდა, ამავდროულად ის მმართველი დირექტორის მოვალეობასაც ასრულებდა და დსთ-ში ბანკის ოპერაციებს მეთვალყურეობდა. რუსეთში გადასვლამდე, ბ-ნ ჰირსტს სხვადასხვა წამყვანი თანამდებობა ეკავა “სითიგრუპში” (Citigroup), მათ შორის იყო მიმართულების აღმასრულებელი, რომლის მოვალეობებშიც შედიოდა ახლო აღმოსავლეთსა და ინდოეთის სუბ-კონტინენტზე კორპორატიული და საინვესტიციო საბანკო საქმიანობის მეთვალყურეობა, ასევე იყო მიმართულების აღმასრულებელი და პასუხისმგებელი ბანკის ქსელის ჩამოყალიბებაზე ცენტრალურ და აღმოსავლეთ ევროპაში. ალან ჰირსტი, დამატებით, მსახურობს არააღმასრულებელ დირექტორად და საბჭოს აღმასრულებელი კომიტეტის წევრად “ფინანსური მომსახურების მოხალისეთა კორპუსში” (Financial Services Volunteer Corps). ასევე, არა-აღმასრულებელი დირექტორის თანამდებობებზე “Phico Theurapeutic”-ისა და “როსბანკში”. ბ-ნი ჰირსტი მსახურობს “როსბანკის” აუდიტორული კომიტეტის თავმჯდომარედ და არის ამავე ბანკის საკომპენსაციო და სტრატეგიული კომიტეტების წევრი. ალან ჰირსტმა, MBA-ს ხარისხი ტეხასის უნივერსიტეტში მიიღო.

ალ ბრიჩი, TheBrowser.com-ის თავმჯდომარეა. 2007 წლიდან “Vostok Nafta”-ს სამეთვალყურეო საბჭოს წევრი და შვეიცარიაში დაფუძნებული ინვესტორია.  2007 წლის ოქტომბრამდე ალ ბრიჩს უკავია კვლევის მიიმართულების ხელმძღვანელის, სტრატეგის და ეკონომისტის , ასევე მმართველი დირექტორის თანამდებობა ”UBS Russia”-ში.  2003 წლის იანვარში, ის შეუერთდა მაშინდელ Brunswick UBS-ს, მთავარი ეკონომისტის თანამდებობაზე.  1998-2002 წლებში ალი იყო რუსეთისა და ”FSU”-ს ეკონომისტი ”Goldman Sachs”-ში და Goldman–ის ერთადერთი წარმომადგენელი მოსკოვში. “Goldman Sachs”-ში მუშაობის დაწყებამდე, 1996 წლის ივლისიდან ალი წერდა დღიურებს “Russian Economic Trends”  „ეკონომიკური პოლიტიკის რუსეთ-ევროპის ცენტრში“ (RECEP).

მოსკოვისა და შვეიცარიის გარდა, ალი ცხოვრობდა პეკინში, ტოკიოში, ნიუ-იორკსა და ზიმბაბვეში. მას დამთავრებული აქვს ედინბურგის უნივერსიტეტი მათემატიკისა და ფილოსოფიის დარგში.