სწრაფი ნავიგაცია

სად შემიძლია გავეცნო ინფორმაციას საქართველოს ბანკის მიმდინარე ვაკანსიების შესახებ?

საქართველოს ბანკის მიმდინარე ვაკანსიების შესახებ ინფორმაცია შეგიძლიათ იხილოთ საქართველოს ბანკის კარიერის ვებ გვერდის ვაკანსიების სექციაში.

როგორ გამოვაგზავნო განაცხადი/რეზიუმე  საქართველოს ბანკში?

ა) მიმდინარე ვაკანსიაზე:
გთხოვთ გაეცნოთ კომპანიის მიმდინარე ვაკანსიებს  და განაცხადი/რეზიუმე გამოაგზავნოთ თქვენი გამოცდილებისა და უნარების შესაბამის ვაკანსიაზე.
 
ბ) თუ ამჟამად გამოცხადებული ვაკანსიების ჩამონათვალში ვერ აღმოაჩინეთ თქვენთვის საინტერესო პოზიცია შეგიძლიათ სამომავლოდ განსახილველად გამოგვიგზავნოთ თქვენი რეზიუმე ბმულზე. მიღებული ინფორმაცია აისახება საქართველოს ბანკის აპლიკანტების ბაზაში და ტალანტების მოზიდვის გუნდი დაგიკავშირდებათ თქვენი ინტერესების, ცოდნისა და გამოცდილების შესაბამისი ვაკანსიის არსებობის შემთხვევაში.
 

გამოვაგზავნე განაცხადი/რეზიუმე საქართველოს ბანკში, როგორ შემიძლია გადავამოწმო მიიღეთ თუ არა ელექტრონული ფოსტით ჩემი ინფორმაცია?

განაცხადის/რეზიუმეს გამოგზავნის შემდეგ განაცხაში მითითებული ელექტრონული ფოსტის მისამართზე საქართველოს ბანკისგან მიიღებთ განაცხადის მიღების დასტურს. 

როგორ ხდება კანდიდატებთან დაკავშირება საკონკურსო პროცედურაზე მოწვევისას?

კანდიდატის მოწვევა საკონკურსო პროცედურაზე შესაძლებელია განხორციელდეს შემდეგი საშუალებებით:

  • • სატელეფონო ზარი (მობილური/ქალაქის ტელეფონის ნომერი);
  • • მოკლე ტექსტური შეტყობინება (SMS);
  • • ელექტრონული ფოსტა.

დაკავშირება უმეტეს შემთხვევაში ხორციელდება სატელეფონო ზარის საშუალებით კანდიდატის მიერ მითითებულ  ტელეფონის ნომერზე.

საკონკურსო პროცედურის სპეციფიკის შესაბამისად შესაძლებელია კანდიდატთან დაკავშირება მოხდეს მოკლე ტექსტური შეტყობინების (SMS) საშუალებით კანდიდატის მიერ მითითებულ მობილური ტელეფონის ნომერზე. შეტყობინება საკონკურსო პროცედურაზე მოწვევის შესახებ გამოგეგზავნებათ საქართველოს ბანკის მოკლე ტექსტური შეტყობინების (SMS) სისტემის ნომრიდან 4444. გთხოვთ გაითვალისწინოთ, რომ სხვა ნომრიდან მიღებული შეტყობინება არ უნდა განიხილოთ როგორც საქართველოს ბანკის მოწვევა საკონკურსო პროცედურაზე.

ზოგიერთ შემთხვევაში შესაძლებელია კანდიდატთან დაკავშირება განხორციელდეს ელექტრონული ფოსტის საშუალებით კანდიდატის მიერ მითითებულ ელექტრონული ფოსტის მისამართზე.

ელექტრონულ მოწვევას უმეტეს შემთხვევებში მიიღებთ კომპანიის ელექტრონული ფოსტის მისამართიდან JSC Bank of Georgia

გამოვაგზავნე განაცხადი/რეზიუმე საქართველოს ბანკის ვაკანსიაზე, არ მოხდა ჩემთან დაკავშირება,

ან

მონაწილეობა მივიღე საქართველოს ბანკის ვაკანსიის შესარჩევ საკონკურსო პროცედურაში, რომლის დასრულების შემდეგ არ მოხდა ჩემი შერჩევა,

განიხილება თუ არა ჩემი განაცხადი/რეზიუმე სხვა ვაკანსიებზე?

დიახ, კანდიდატის განაცხადი/რეზიუმე და საკონკურსო პროცედურის შედეგები ინახება კომპანიის აპლიკანტების ბაზაში და განიხილება სხვა – კანდიდატის გამოცდილებისა და უნარების შესაბამისი ვაკანსიის არსებობის შემთხვევაში.

შეიძლება თუ არა სტაჟირების/პრაქტიკის გავლა საქართველოს ბანკში?

გთხოვთ, გაეცნოთ სამუშაო კატეგორიას Start-ი საქართველოს ბანკში

რა ეტაპებისაგან შედგება შერჩევის პროცესი?

ბანკში კანდიდატების შერჩევის პროცესი განსხვავდება სამუშაო კატეგორიების მიხედვით და დამოკიდებულია ვაკანსიის სავალდებულო მოთხოვნებზე. გთხოვთ იხილოთ შერჩევის პროცესი. 

მოწვეული ვარ ტესტირებაზე, რისი წარმოდგენაა სავალდებულო ტესტირებაზე?

გთხოვთ ტესტირების საკონკურსო ეტაპზე წარმოადგინოთ პირადობის დამადასტურებელი მოწმობა. ასევე მოკლე ტექსტური შეტყობინების (SMS)  საშუალებით ტესტირებაზე მოწვევის შემთხვევაში, გთხოვთ ტესტირების ეტაპის დასრულებამდე არ წაშალოთ მიღებული SMS შეტყობინება.

მონაწილეობა მივიღე საკონკურსო პროცედურაში, როდის შევძლებ შევიტყო მოხდა თუ არა ჩემი შერჩევა ვაკანსიაზე?

საკონკურსო პროცედურის ბოლო ეტაპიდან 2 კვირის განმავლობაში დაგიკავშირდებით ნებისმიერ შემთხვევაში, შერჩევის შესახებ დადებითი თუ უარყოფითი გადაწყვეტილების შესახებ.